monumenta.ch > Hieronymus > bnf10439.14 v > csg250.392 > sectio 10 > ad Corinthios I, 8 > bkeCod.47.11r > ad Corinthios I, 2 > uwbM.p.th.f.12.72 > bnf13013.149 > sectio 1 > sectio 7 > habCod.Guelf.81Weiss..64 > csg68.404 > bnf17226.29 > sectio 2 > sectio 7 > csg251.141 > csg458.212 > sectio 4 > bsbClm6224.410 > uwbM.p.th.f.68.318 > bmv343.316 > csg250.386 > bnf10439.183 v > bsbClm6436.46 > csg458.190 > 13 > habCod.Guelf.81Weiss..180 > habCod.Guelf.81Weiss..170 > csg458.209 > bnfGrec107.999 > csg914.270 > habCod.Guelf.81Weiss..63 > 21 > bmv343.338 > habCod.Guelf.81Weiss..185 > uwbM.p.th.f.69.122 > sectio 17 > bsbClm6436.46 > bnfNAL1594.72 > sectio 1 > bnf10439.6 r > bnf5018.180 > bnfGrec107.999 > uwbM.p.th.f.12.72 > sectio 24 > bmv343.310 > csg75.515 > csg251.157 > 151 > bnf9389.47 > bnfGrec107.999 > uwbM.p.th.f.68.309 > habCod.Guelf.81Weiss..102 > csg68.259 > sectio 8

Word Selection for Searching

Report an Error in this Sectio
Augustinus, Sermones, 10, 105, 8
Ideo enim Deus felicitatibus terrenis amaritudines miscet, ut alia quaeratur felicitas, cuius dulcedo non est fallax: et de ipsis amaritudinibus conatur mundus avertere ab eo quod intendis in anteriora, et retro convertere. De ipsis amaritudinibus, de ipsis tribulationibus murmuras, et dicis: Ecce pereunt omnia christianis temporibus. Quid strepis? Non hoc promisit mihi Deus, quod ista non peribunt: non hoc mihi promisit Christus. Aeterna promisit aeternus: si credidero, ex mortali fiam aeternus. Quid strepis, o munde immunde? quid strepis? Quid avertere conaris? Tenere vis periens: quid faceres, si maneres? Quem non deciperes dulcis, si amarus alimenta mentiris? Ego si habeo spem, si teneo spem, ovum meum non est ab scorpione percussum. Benedicam Dominum in omni tempore; semper laus eius in ore meo . Felix sit mundus, evertatur mundus: Benedicam Dominum, qui fecit mundum. Benedicam prorsus. Secundum carnem bene sit, secundum carnem male sit: Benedicam Dominum in omni tempore; semper laus eius in ore meo. Nam si benedico quando bene est, et blasphemo quando male est; suscepi scorpionis aculeum, compunctus retro respexi; quod absit a nobis. Dominus dedit, Dominus abstulit; sicut Domino placuit, ita factum est: sit nomen Domini benedictum .